 |
 |
|
Atal honetan, Eibarko Kultura eta Natura Ondarea erakutsi nahi dizuegu. Ibilbide hauen bitartez gure inguruko paisaiak eta gizakiaren aztarnak ezagutzeko aukera izango duzue, eta gaurko eta antzinako Eibarren inguruan jarduteko aukera luzatuko dizuegu. Eibarrekiko duzun jakinmina asetzeko zazpi ibilbide, eta beraietan barrena, interes bereziko hainbat eraikuntza, elementu historiko, eta naturgune. Aurreneko 5 ibilbideetan Eibarko auzo bana ezagutuko dugu: Aginaga, Arrate, Gorosta, Kiñarraga-Otaola eta Mandiola. Azkenengo bietan, Eibarko kalera eramango zaitugu. Batean historia eta artearen alderditik interes berezia duten eraikuntzak aurkezteko; bigarrenean, Eibarko industria ondare aberatsa erakusteko. Hona hemen proposatzen dizkizugun ibilbideen zerrenda:
- Aginaga: Arratetik Aginagara ermiten bidetik
- Mandiola Balle: Eibartik Urkora baserriz baserri
- Gorosta Balle: Santa Kurutz, Mandiola eta Gorostaren topagune
- Arrate Balle: Pausoz pauso Arrate-ballean barrena
- Kiñarraga-Otaola: Galdaramiño magaleko inguruak ezagutuz
- Kalerik kale: Eibarko ondare artistiko-historikoa ezagutzen
- Eibar, tailerren hiria: Industria Ondarea
|
|
