Eibarko Mendi Toponimia

Ikertzaileak: Itziar Alberdi; Asier Sarasua.
Epea: 2003-2004 urteak.
Harremanetarako: archivo.ei@eibar.net.
Helburuak: Aurreko ikerketa batzuetan Eibarko hiri toponimia jaso ondoren, oraingo honetan mendi toponimia jasotzeari ekin diogu: errekak, mendiak, basoak, baserriak... Bilketa lana osatzeko, iturri idatziak zein ahozkoak kontsultatuko dira, Eibarko baserritarrei egindako elkarrizketen bitartez. Informazio gehiago hemen.

Obra eta Hirigintza Saileko argazkien digitalizazioa

Ikertzailea: José Valderrey.
Epea: 2004. urtea.
Harremanetarako: archivo.ei@eibar.net.
Helburuak: Udal Artxiboaren eskuetan dauden interes historiko handiko argazki horiek (1930-1970, gehienak 1959ko Herriko Anto-lamendurako Plan Nagusiarenak) digitalizatu, CDRean sartu, argitaratzeko formato egokietara bihurtu eta datu-basea eratu nahi da.

Eibartarren Ahotan

Arduradunak: Itziar Alberdi (1999-2006) eta Asier Sarasua (1999-2002).
Hasiera: 1999.
Amaiera: Une honetan martxan.
Harremanetarako: egoibarra.ei@eibar.net.
Helburua: eskualdeko nagusienei elkarrizketak eginez XX. mende hasierako bizimodua jasotzea bideoz. Eibarko eta eskualdeko Ahozko Ondarea jasoko duen artxiboa osatzea. Lan honek Eusko Jaurlaritzako Kultura Sailaren diru-laguntza jaso du.
Informazio gehiago, hemen.

Gerra Zibila Eibarren

Arduraduna: Jesus Gutierrez.
Hasiera: 2003.
Amaiera: Une honetan martxan.
Harremanetarako: egoibarra.ei@eibar.net.
Helburua: Jesus Gutierrez ikerlari eibartarrak Gerra Zibilaren inguruko ikerketa sakona egiten dihardu. 2003. urtean proiektuaren bost atal hauen hasierako urratsak jorratu zituen: Errepublika garaiaren erreferentzia historiko guztiak batu; gerraren hasiera eta sortu ziren bataloiak zehaztu; 1936ko irailetik 1937ko martxora bitartean, Eibar, Elgeta eta inguruko mendietan frentearen egoera nolakoa izan zen aztertu; 1937ko azken erasoaldia Eibarri eta Elgetari; eta azkenik, bando bietako beste frente batzuetan borrokan ibili ziren eibartar guztien izenak bilatu. 2004an lan horren bigarren zatia egingo du.

Castrillo Ortuoste Fondoaren ikerketa

Arduraduna: José Valderrey.
Hasiera: 1999.
Amaiera: 2002.
Harremanetarako: egoibarra.ei@eibar.net.
Helburua: Castrillo Ortuoste Argazki Fondoaren azterketa. Fondo horrek XX. mende osoko 200.000 iruditik gora ditu, hainbat euskarritan eta egoera ezberdinean. Helburua, irudiok garbitu, katalogatu, erreproduzitu eta dokumentatzea da. Udal argazki bildumak edozein esparrutan lan egiten duten ikertzaileen esku daude, eta erakusketetan, argitalpenetan eta ikerketetan erabiltzen dira.
Informazio gehiago, hemen.

Eibarko Efemerideak

Arduraduna: Nerea Areta.
Noiz hasi: 1995.
Noiz arte: 2002.
Harremanetarako: nereareta@euskalnet.net .
Helburua: Eibarko herriaren efemerideak batzea.

Eibarko Udaleko Ego Ibarra Batzordeak bultzatutako Eibarko Efemerideak lan honek, Eibarko memoria historikoa gordetzeko ahaleginetan beste urrats bat egin nahi du, herriaren historia kronologikoki jasoz.

Lanaren helburu edo eginbeharrekoak, ondokoak:
* Eibarko historia kronologikoki jasotzea, eta ez gaika, historian gehienetan egiten den moduan.
* Eibarko lehenengo datuetatik Gerrate Zibilera arteko aro kronologikoa jasotzea, alor hauek landuz: kultura, historia, gizartea eta bertoko pertsonaiak. Horretarako iturri artxibistiko-bibliografikoak erabiliko dira.
* Kronologia hori, herriarentzat eta herrikoentzat interesgarri izan daitezkeen aipuekin osatzea.
* Gertaera edo egoera horien aipamena eibartarrei hurrago sentiaraztea, Eibarko beste ondare baten bitartez, Eibarko hizkeraren bitartez. Horrela, lanak beste zeregin bat ere beteko luke: Eibarko euskera edozein jardun eta gaietan erabiltzeko gauza dela erakustea, lehenago Eibarko Euskara badela erakutsita.

Ikerketa-lan honen azken frutua Eibarko Efemeridiak liburua izan da, 2003ko abenduan kaleratua.

Balio arkitektonikoa duten eraikinak

Arduradunak: Eluska Irazu Hernandez eta Jose Gregorio Gonzalez Gonzalez.
Lanaren hasiera: 1994.
Amaiera: 1997.
Harremanetarako: archivo.ei@eibar.net.
Helburua: Eibarren balio artistiko handiena duten baserriei buruzko txosten teknikoak egitea.

Ikerketa lan horren helburua, Eibarren, balio artistiko eta historiko handiena duten baserriei buruzko txostena egitea zen, Eibarko baserrien ondarearen inbentarioa egitea, dagoena ezagututa, zaindu eta ondo gordetzeko xedez. Bigarren fasean, argitaratzea zen helburua. Lan horietan eraikin horien ezaugarriak aztertu dira: egitura, historia edo hango ondare etnografikoa. Ahozko zein idatzizko iturriak erabili dira. Txostenetan planoak eta argazkiak daude batuta. Hona hemen inbentarioan sartutako eraikinak: Sagartegieta jauregia, Gisasola baserria, Untzeta baserria, Barrenetxe baserria eta Kutunegieta Barrenengua edo Narru baserria.

Armagintzarako erremintak

Arduraduna: Nerea Alustiza (argazkiak Jose Valderrey).
Lanaren hasiera: 1994.
Amaiera: 1995.
Harremanetarako: archivo.ei@eibar.net.
Helburua: Eibarko arma-fabrika edo tailerretan 1950. urtea baino lehen erabiltzen ziren erreminta guztien inbentarioa egitea.

Lana, 1950. urtea baino lehenagoko armagintzarako erremintak eta makinak sailkatzean datza. Urte hori hartu zen oinarritzat ondoko arrazoi hauengatik: bata, mendearen aurreneko zatian gertatutako gauza guztiak batzeko aukera ematen zuelako; bigarrena, agiriak eskura-errazak zirelako eta ordura arteko gertaera ekonomiko eta so-zial guztiak aztertzeko irizpidea objetiboa zelako. Azkenik, gerra ostearen ondorio latzenak gaindituta, orduko hartan armagin eta armagintzara zuzendutako enpresa eta tailerrak asko zirelako. Horrela, 1950. urtea baino lehen armak egiteko erabiltzen ziren makina eta erreminta guztien inbentarioa egin da. Horrela, erreminta bakoitza zer den eta zertarako den jakinda, erramintok aztertu edo bilatzeko modua izango dugulako, etorkizunean bildumaren bat egingo balitz edo museoren bat balego.
Lan honetarako prestatutako datubasea gune honetan bertan daukazu kontsultagai.